E discusion pa loke ta trata Rock staking na Aruba no ta caba, recientemente riba rednan social ta bin publicando potretnan cu ta ilustra e actividad aki sea realisa pa turistanan of hende local cu no ta cay den bon tera pa cierto hende unda ta sigura cu esaki ta destruccion di naturalesa.
Riba e pagina di Facebook, conoci pa turistanan cu ta usele pa loke ta trata nan biahe pa Aruba, recientemente un usuario a publica potretnan unda ta mustra e formacion di varios piedra denomina “Rock Stacking.”
Den e post usuarionan di e res social aki a duna nan comentario indicando cu esaki ta bay riba loke ta e paisahe y su aspecto natural y no e obra traha pa hende di turista. Hasta nan a yega di menciona cu reptielnan cu ta biba eynan hunto cu otro bestianan chikito ta depende di e piedranan pa tapa, traha neishi y keda fresco pa sobrevivi. Segun cu e piedranan ta wordo montona ta corta drasticamente den e disponibilidad pa nan habitat y mas y mas no ta sobrevivi.
Ademas, a señala cu esaki no ta forma parti di Aruba su cultura y ta algo malo pa medio ambiente.
Segun un otro publicacion di otro usuario, na e mesun area aki pero dianan pasa no tabatin nada y turistanan ta indica cu tin algun compania operador di tour cu ta permiti pa nan por haci esaki, specificamente den area di Bushiribana.
Rock Staking ta un di e formanan di arte mas antiguo di humanidad pero e ta algo mas di custumber, cana suficiente leu riba casi cualkier caminda na mundo, probablemente lo mira un coleccion di piedra pone riba otro cu ta forma esculturanan improvisa.
Algun ta yama nan ‘Cairns,’ otronan ta faborece terminonan mas colorido manera “balansamento di piedra” of “pilanan di piedra di oracion.”
Durante e ultimo decada of mas, pa miho of pio, stacamento di baranca a bira mas popular ainda. Loke hopi no sa, sinembargo, ta cu e practica ta controversial, particularmente den parkenan nacional y otro areanan proteha. Dependiendo di ken por puntra, e por ta un aparato di nabegacion crucial, un practica di conscientisacion gratificante of un menasa ambiental.
Cairns tabata antepasadonan su prome incursion den construccion di structuranan – montona algun piedra riba otro y nan lo tabatin e comienso di un refugio of pa warda di cuminda, por ehempel. Na Mongolia, baranca tabata marca luganan di entiero den santana. Na Tibet, budistanan tabata usa nan den ceremonianan pa yama bon fortuna y balansa energianan conflictivo. Prome cu e inversion di faro, cairns tabata adverti nabegantenan pa aleha for di e fjord di Noruega.
Cierto ta cu Aruba, e practica aki den diferente opinion, no ta haya bon aceptacion door di personanan local cu ta afirma cu esaki tin di haber cu destruccion di naturalesa.
Potret ta cortesia di website Visit Aruba.
