No ta desconoci kico a sosode na St Vincent y e necesidadnan ta hopi. Den un accion di algun ciudadano cu ta biba na St Eustatius nan a logra di cera 7 palet di awa pa nan por manda na St Vincent . Desde cu e volcan a explota , tur dia St Vincent ta confrontando cu explosionnan chikito pero cu ta haci daño y na unda cu e bida normal cu e ciudadanonan tabata hiba riba e isla awor aki no ta normal mas. Mester bisa cu den cuestion di oranan a recauda mas di 5200 dollar pa asina por laga hiba awa. E ciudadanonan a traha hunto cu e fundacion Care Foundation y Nationale Emergency Managment Agency NEMA.
Charles Woodly cu ta e persona cu a organisa e accion a duna di conoce cu esaki ta dies e comienso di e accion cu lo keda haci pa asina por yuda e ciudadanonan na St Vincent. Loke cu ta un realidad ta cu placa ta hopi mas facil pa por manda, pero e articulonan di prome necesidad ainda ta un situacion fastioso cu no ta facil pa por sosode pa e materialnan por yega lihe.
E prome cargacion di awa lo yega St Vincent diaranson anochi y esunnan cu ta biba rond di e volcan ta esunnan cu mas tin necesidad y cu nan ta pendiente tambe cu e ayudo cu ta bini for di St Eustatius pa nan. Sinembargo esunnan cu ta viaha pa St Vincent semper tabata tin bon contacto cu esunnan cu ta biba na St Eustaius y Saba y awe por mira un bunita gesto cu e ciudadanonan di e cada pais , aunke cu nan ta leu di otro nan ta yuda otro.
