Fin di siman tabata uno yen di basta emocion, ambiente y fiesta na unda algun ciudadano a cab’e mal contento despues cu nan a ripara cu hendenan cu no tabatin bon intencion a horta na diferente luganan y a bay cu entre otro, grastapijt y hasta tentnan.
Riba rednan social ciudadanonan cu a cumpra un kabel pa carnaval na L.G Smith Boulevard y na Vondellaan a caba carnaval cu mal smaak caminda ora tur cos a caba, nan a dicidi di laga algun cosnan den nan luga pa bay piki nan despues, pero den e casonan aki, otro personanan cu mal intencion a horta un grastapijt y tentnan cu tabata poni specificamente pa disfruta di carnaval cu famia.
Den e comentarionan usuarionan a bisa cu “kiermen asina biba na Aruba awor? Spanta pasobra horta tur cos paga pa pik next day, Esaki ta One Happy Island???? No ta miho cambia one ladron island?” pa otronan e caso tabata diferente y a recomenda pa tur hende por ruim op tur cos y no laga nada den e luga pa asina e cosnan aki no pasa, “Semper lo tin hende cu no por laga cos di otro hende para canando rond. P’esey pa evita nan presta cosnan sin permiso ruim op de boel,” otro comentario a menciona cu “Asina cu bo a bay lag’e benta sin toezicht, e ta bira sushi di caya. Boso no por yama esun cu a bay cune pa ladron,paso abo iresponsabel a lag’e benta. E no a drenta den bo cura hort’e. Tur cos cu ta band’i caminda por bay cu nan si bo wak e 2 dia of mas tira eynan. Te ora bo a ruim op, bo mester a pay cune tambe si e tabata caro of no. Esey ta siña hende, piki boso cosnan mes lihe cu ora boso a pone…eigen schuld dikke bult.”
Sigur esaki ta un mal experiencia pa esnan cu no a anticipa di culmina nan temporada di carnaval di e forma aki, lamentabel si pa bisa cu awendia mester keda atento pa tur cos y pa otro aña evita e situacion di e sorto aki. Potretnan ta cortesia di usuarionan di Facebook afecta.
