Segun agencia noticiero Reuters, Citgo Petroleum Corporation estableci na Houston a declara ayera cu nan ta hibando conversacion cu gobierno di Aruba encuanto e contract pa opera nan refineria di petroleo, un dia despues cu Aruba a divulga cu lo forma un comision pa dicidi destino di e planta.
E subsidiario Mericano di e empresa estatal Petroleos de Venezuela SA (Pdvsa) a bisa cu nan ta teniendo “conversacion activo cu nos counterpartnan na Aruba y ta spera cu nos lo por yega na un solucion pa trabao conhunto den futuro.”
“Aruba a bisa dialuna cu nan ta spera di modifica o termina e contract debi na e sancionnan Mericano contra Venezuela cu a stroba produccion,” segun Reuters.
Nota di redaccion: Por nota cierto inexactitud den e noticia, por ehemplo cu Citgo Petroleum lo ta participe den e contract cu Aruba. Ta e holding bao di Pdvsa, PDV Holding estableci na Delaware, ta participe di e contract. Tambe e sucesonan cu y contra Pdvsa no a stroba produccion, pasobra ta trata ainda di rehabilitacion so.
