Hunta Directivo di Citgo Petroleum Corporation a analisa recientemente, hunto cu e Hunta Administrador Ad Hoc di Pdvsa, nombra pa gobierno interino di Juan Guaido. E resultadonanfinanciero anual di e compania pa 2019.
E desempeño financiero y operativo solido di e empresa ta inclui 246 miyon dollar na entrada netto pa e aña menciona, un posicion solido di liquidez y di indicadornan di debe y un di e mihor añanan di desempeño ambiental y di seguridad di e compania, principalmente na e refinerianan di Corpus Christi y Lemont. E resultadonan a logra a pesar di un mercado deteriora pa refineria.
“Aunke e pandemia di Covid-19 y e subsecuente volatilidad di mercado ta representa desafio nobo pa nos industria, e aumento den fortaleza y flexibilidad di Citgo ta pone nos den un bon posicion pa enfrenta e entorno economico dificil durante resto di 2020,” Luisa Palacios, presidente di e Hunta Directivo di Citgo, a bisa. “Nos a tuma medida importante pa mehora nos balansnan, fortalece liquidez y implementa control di maneho cu lo sirbi nos den e luna y añanan cu ta bin,” Palacios a indica.
E tres refinerianan di Citgo a continua operando cu capacidad halto. E rindimento total di refinacion pa 2019 tabata di 800.000 bari pa dia (bpd), di cual e procesamento di crudo tabata 688.000 bpd, utilizando 89% di e capacidad di refinacion di crudo.
Pa loke ta inversion y mantenimento, e compania a inverti na 2019 280 miyon dollar den proyecto di capital y 442 miyon dollar den mantenimento programa (“turnaround”).
