Manera conoci Citgo (doño ta e compania di petroleo Venezolano PDVSA) ta investigando e refineria di Aruba pa fin di luna probablemente por tuma un decision di cumpra esaki y pone bek den operacion. Awor vice presidente di PDVSA Jesus Luongo a duna e fuente Reuters un indicacion con nan ta mira e refineria Arubano por opera, segun nos colaborado NoticiaCla. “E por bira algo manera Isla (e refineria na Corsou, tambe maneha pa PDVSA) of amplia nos strategia. Sigur e ta interesante pa nos y nos ta kere cu e por ta un oportunidad potencial”.
