ORANJESTAD – Recientemente gobierno Mericano a otorga un General License 7a pa asina refineria por continua cu fase 2, despues di hopi esfuerso negociando cu autoridadnan Mericano a otorga esaki.
Ta asina cu dos siman pasa gobierno Mericano a blokia e fondonan necesario y a para fase 2 pa motibo di e sancion aki, a consecuencia di esaki mester a manda hopi empleado di e refineria cas.
E departamento di “Treasury” di gobierno Mericano a bisa cu a nan a duna Citgo 18 luna mas pa opera y cumpli cu su debenan. E gobierno a extende e licencia pa asina permiti e compania pa paga 71 miyon dollar na interes na PDVSA 2020 Bonds cu mester wordo paga otro luna.
Autoridad Mericano awor a aproba pa kita e blokeo riba e sumanan ey pa fase 2 por continua y pa por tuma empleadonan bek, y asina a tuma decision pa wanta Citgo den operacion. Awor gobierno di Aruba ta den deliberacion cu Citgo pa mira con por ehecuta e General License 7a. Nos no a yega ainda, pero nos ta riba e bon caminda. Un otro logro importante di nos gobierno cu ta creando confiansa bek den Aruba. Nos ta sigui lucha te ora tur trahado di e refineria por yega pia di trabou bek! E mandatario a finalisa.
