FILE - New York City Mayor Eric Adams listens to Gov. Kathy Hochul deliver her State of the State address in the Assembly Chamber at the state Capitol on Jan. 10, 2023, in Albany, N.Y. On Tuesday, May 23, 2023, Adams asked a judge to temporarily set aside its long-standing “right to shelter” mandate, saying it could no longer meet its legal obligation to house every homeless person because of the arrival of tens of thousands of international migrants. (AP Photo/Hans Pennink, File)

(AP) — Alcalde di New York City a pidi un hues ayera pa temporalmente pone un banda su mandato di hopi tempo pa “derecho pa shelter”, bisando cu no por sigui cumpli cu su obligacion legal pa duna shelter na tur persona sin hogar pa motibo di e yegada di diesmiles di migrante internacional.

E “derecho pa shelter” ta na vigor pa mas cu cuatro decada na e ciudad, despues cu un corte na 1981 a rekeri e ciudad pa provee shelter temporal pa cada persona sin hogar cu pidi esaki. Otro ciudadnan Mericano grandi no tin un regla asina.

Pero cu e yegada di 70mil solicitante di asilo desde spring, mayoria di nan yegando Merca for di Mexico, e ciudad ta confrontando reto pa haya espacio pa tur hende den necesidad di un dak y un cama temporal. “E ta den e miho interes di tur hende, incluyendo esnan buscando pa bin Merca, pa ta directo cu New York City no por riba su mes duna cuido na tur cu crusa nos frontera,” alcalde Eric Adams a bisa den un declaracion. “Ta deshonesto tocante esaki solamente ta bay resulta den e collapse di nos sistema, y nos mester di nos partnernan den gobierno pa sa e berdad y haci nan parti,” segun e alcalde Democrata.

Adams a bisa cu e no ta buscando pa permanentemente caba cu e derecho pa shelter pero ta buscando “claridad for di corte.”

Algun defensor di vivienda a condena e propuesta, bisando cu e ta bay resulta den mas hende bibando pafo. Joe Loonam, coordinador di campaña di vivienda pa organisacion defensor VOCAL-NY, a bisa cu Adams kier “caba cu derecho pa shelter cu a preveni New York City di sigui e pasonan di lugarnan manera Los Angeles of San Francisco unda miles di persona ta den condicionnan horibel riba caya.”

Sistema di shelter na New York awo ta yen na nivelnan record. E ciudad ta bisa cu actualmente ta provee vivienda pa 93mil persona. Den lunanan recien a huur hotelnan henter pa shelter e fluho di migrante, cu costonan grandi. Tambe a pone algun cama den scol, y temporalmente a alberga hende den tent, un terminal di crucero y un ex-edificio di academia di polis.

Den un carta na e hues administrativo principal interino pa Corte di New York Ciry, e abogadonan di e ciudad a pidi un cambio den e ley cu lo permiti oficialnan suspende e derecho pa shelter na momento cu Departamento di Servicio pa esnan sin Vivienda no tin recurso pa shelter tur hende di un forma safe.

Adams a busca ayudo financiero for di gobierno estatal y federal y ta critico di administracion di presidente Joe Biden pa no duna fondo pa cuida migrantenan.

Den simannan recien, e ciudad a cuminsa paga pa alberga algun solicitante di asilo den hotelnan den condadonan nort di e ciudad, pero e accion aki a genera rabia y acusacion cu e ciudad ta tirando su problemanan riba otro comunidadnan.