Cinco persona a wordo deteni pa polis di Chile, sospecha di cende algun di candela cu a afecta centro y sur di Chile, unda 10 persona a perde nan bida y a bay cu mas di 290 mil hectar, Gobierno di Chile a informa. E sospechoso tabata cana cu elemento cu ta acelera e produccion di candela na momento cu nan a ser deteni pa agente di polis di localidad di Chepica y Linares di region di Maule (280 kilometer di sur di Santiago), un di region mas afecta pa candela y cu gobierno a cualifica como “catastrofe forestal” mas grandi di historia di Chile.
“E caso aki ta na ‘flagrancia’, kiermen , nan a ser deteni cu elemento cu ta yuda pa candela bay mas lihe y pa tal motibo na ta den un situacion cla, bao e bista hudicial den proceso, ministro di interior Mario Fernandez a bisa na medio di prensa di Chile.
E detencion aki ta di acuerdo cu opinion di gobierno tocante cu candela a wordo provoca intencionalmente, Fernandez a opina. Autoridad ta investiga si un di hende cu ta deteni ta culpabel di candela cu a bay cu localidad di Santa Olga, caminda un persona a perde su bida, 1200 cas a wordo destrui y cerca di 4 mil persona a wordo saca for di nan cas diahuebs marduga. E candela ta afecta shete di 15 regionnan di Chile. Te na e momento aki 10 persona a perde su bida, 5 mil persona a wordo mobilisa for di nan cas y 3 mil di nan a keda sin un cas unda por biba. E perdida economico no ta posibel pa calcula ainda, gobierno a bisa.
Mas di 90% di candela na Chile ta provoca pa hende, y na algun caso ta pa halto temperatura cu a supera 40 grado na region conoci como Maule, awo ta continua un periodo di secura cu a afecta durante 8 aña e zona centro -sur di pais.
Mas di 4 mil hende local ta combati candela hunto cu persona stranhero cu a bin cu ayudo, hunto a 47 avion y helicopter. A pasa caba un siman y candela a bay cu 289 mil hectar di mondi y cultivo pero ainda Chile tin 142 candela activo den cual 51 ta controla, 77 den combati y 14 a wordo paga, den un informe Oficina Nacional di emergencia a splica.
