Cinco persona a fayece di dengue na Bolivia y por lo menos 9.000 ta sospechoso di ta contagia di e infeccion, segun e balans provisional entrega ayera pa e ministerio di Salud riba e aparicion ‘alarmante’ cu a surgi e aña aki.
Ademas, ‘tin diesun morto cu ta bou estudio’, e informe a señala.
“E cifranan aki ta alarmante, pero tambe tin cu bisa pa e poblacion cu nos ta den un periodo mas halto den America di loke ta trata e epidemia”, e minister di Salud Anibal Cruz a bisa periodistanan.
E halto funcionario tabata lider di un trabou colectivo na ciudad di Santa Cruz, unda a registra e mayor presencia di e enfermedad cu mas di 1.000 persona infecta.
“Nos ta cu 9.200 caso na nivel nacional y na Santa Cruz, nos ta cu un number importante di 1.245”, Cruz a señala.
Cruz a considera cu ‘lo mas importante ta preveni (cu campaña di limpiesa) y asina evita e fayecimento di personanan’.
E dengue ta un infeccion viral cu ta transmiti pa e sangura ‘Aedes aegypti’ y su picadura ta mortal eventualmente, tambe ta provoca sintomanan similar cu grip.
