Den ultimo dianan por a cuminsa nota un reduccion den e cantidad di caso activo como tambe hospitalisacion pa e malesa causa pa e virus SARS-CoV-2.
Segun resumen di Departamento di Salubridad Publico DVG pa ayera, a registra un total di 23 caso nobo di Covid-19, di cual 5 persona no ta residente. Mientras tanto, 38 persona a recupera, loke ta laga un total di 175 caso activo.
E cantidad total di test ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 550 test. Cu esaki, e tasa di positividad (‘Postivity rate’) entre nos residentenan ta 19%.
E cantidad di fayecido relaciona cu Covid-19 ta 98.
Di su banda, Hospital Dr. Horacio Oduber ta informa cu tin un total di 28 persona interna pa ricibi tratamento pa Covid-19, di cual 10 ta den Unidad di Cuido Intensivo (ICU) y 18 ta isola riba unidad general di covid.
