Mama di baby di aña tin 15 y e tata 25. Esaki ta haci cu e ser masculino a comete un acto castigabel segun ley y como tal por wordo persigui cual ta wordo cuestiona. Otro aspecto cu ta wordo cuestiona ta e informacion cu nan ta casa mirando cu no por casa bou di edad di 16 aña ni cu conscientisacion di mayor na Aruba. A acera diferente instancia pa un bista den e situacion aki na Aruba.
Te cu aña pasa e fenomeno di “Lover Boy” a resalta mas cu esun di Sugar Daddy esta mucha muhe di 14 aña y guy den nan 20 aña, segun Wit Gele Kruis. Tienermoeder-consulent Monique Giel a sigui bisa cu mayornan mester ta mas envolvi cu yiu na un edad mas trempan y cuestiona amigo di nan yiu, e rol di mayor mester ta mas fuerte. No mester warda te ora cu scol papia cu e muchanan, pasobra esaki ta haci cu e muchanan ta siña tur cos (robes) riba caya y hopi bes ta tene relacion na edad hoben sin tabata kier
Cifra
Pa locual ta trata e cifranan di embaraso hubenil di aña 2015, ainda sra. Giel no a ricibi e resultado di e ultimo luna pues te cu 3 november e tin 81 mama registra. Segun e ta splica e cantidad aki ta hopi abou teniendo na cuenta cu aña 2014 a cera cu 126 mama hoben.
Persigui tata
Segun WGK nan ta na altura di diferente caso cu mama menor di edad y tata mayor pero no por entrega e informacionnan aki na instancianan legal pa motibo di beroepsgeheim y por duna conseho na e mayor y mucha solamente. Ministerio Publico ta indica cu a pesar cu un mucha no entrega keho e persona mayor (tata) ta cometiendo un acto castigabel y por wordo persigui pa esaki.
