(AP) – Den aña 2016, hospitalnan na New York State a identifica un infeccion di beskem poco comun y peligroso cu nunca a haya prome cu esey na Merca. Investigadornan y laboratorionan rapidamente a mobilisa pa asina por revisa specimen historico y a mira cu e beskem tabatin desde aña 2013 presente den e pais.
Den e añanan desde esaki, New York City a bira base 0 pa e infeccionnan di Candida Auris. Te cu aña 2021, e estado a mira e cantidad mas halto di casonan confirma aña tras aña, mirando cu e malesa tabata plamando na otro paisnan tambe, segun Centers for Disease Control and Prevention (CDC) su data cual Associated Press a analisa.
Candida auris ta un menasa di salud publico global cu ta birando cada biaha mas mira y por causa malesa severo incluyendo infeccion den sanger, herida y den respiracion. Su tasa di mortalidad ta calcula na 30 pa 60 porciento y ta un riesgo di salud en particular pa personanan cu ya caba tin problemanan medico serio.
Aña pasa a mira e cantidad mas halto di caso na Nevada y California, pero e beskem tabata clinicamente identifica den pashentnan di 29 estado. New york ta permanece e hotspot pa e beskem aki.
Un teoria prominente pa e explosion repentino di Candida auris, cual no a ser mira den ser humano desde aña 2009 ta e cambio di clima.
Ser humano y otro bestianan tin curpa hopi mas cayente cu otro beskemnan por tolera y pa motibo aki tabata practicamente proteha contra mayoria infeccion. Sinembargo, e temperaturanan cu ta den aumento a permiti e beskem aki desaroya un tolerancia na e ambientenan mas cayente, y durante tempo ser humano posiblemente ta perde resistencia. Algun investigadornan ta kere cu esaki ya caba ta pasando cu Candida auris.
E patogeno a surgi espontaneamente 14 aña cu ta 3 continente, den Venezuela, India y Sur Africa. Experto den malesa di Beskem Arturo Casadevall, un microbiologo y profesor na Johns Hopkins University, a bisa cu esaki ta un poco confuso pa motibo cu e clima den e varios luganan aki ta basta diferente.
“Nos tin proteccion tremendo contra beskem ambiental a causa di nos temperatura. Sinembargo, si mundo keda bira mas cayente y beskem cuminsa adapta na e temperaturanan halto aki tambe, algun ta bay yega na loke mi ta yama e barera di temperatura.”
Ora cu Candida auris a cuminsa plama, Meghan Marie Lyman, medico den epidemia di CDC a splica cu e casonan tabata coencta na personanan cu a yega Merca for di otro paisnan. Awo, mayoria caso ta adkiri localmente, plamando en general entre e pashentnan den sitionan di cuido di salud.
Den maart, un comunicado di prensa di CDC a nota e seriedad di e problema, citando e patogeno su resistencia contra tratamentonan tradicional y e velocidad alarmante na cual e ta plama. Agencianan di salud publico ta enfocando primeramente riba strategianan pa urgentemente mitiga transmision den sitionan di cuido di salud.
E articulo aki ta un colaboracion entre The Associated Press y Grist.
