Ora bo pensa di Stonehenge, e monumento prehistorico enigmatico na Inglatera, probablemente ta pensa riba e piedranan megalitico sarsen, e rocanan escultural cu visualmente ta domina e paisahe.
Cientificonan lidera pa David Nash na Unviersidad di Brighton na Reino Uni a haya un contesta pa e misterio antiguo di e origen di e piedranan mas grandi di Stonehenge. E team a track nan na un area yama West Woods den condado di Wiltshire, alrededor di 24km nort di e monumento.
Nash ta autor lider di un estudio riba e piedranan publica den journal Science Advances siman pasa.
“E team di investigacion a usa data geokimico pa mustra cu 50 di e 52 piedra sarsen na Stonehenge ta comparti un kimica consistente y pa inferencia a origina di un fuente di un area comun”, e universidad a bisa den un comunicado diahuebs.
E cientificonan a usa un muestra extrai di centro di un di e piedranan sarsen na 1958 como un pista. Ademas nan a studia e piedranan na su sitio. E data aki a actua como un fingerprint y a yuda e team match e megalitonan na e geologia specifico di piedranan haya na West Woods.
Stonehenge ta suheto di varios estudio cientifico, pero investigadonan ainda ta haciendo descubrimentonan nobo. Cientificonan anteriormente a track e origen di algun di e bluestone mas chikito di e monumento na minanan na Wales. Un estudio di 2019 ta sugeri cu por a usa vet pa yuda move e piedranan.
E investigadonan por a haya contesta pa un misterio mayor, pero tin hopi mas cu mester mas investigacion, incluyendo e ubicacion exacto for di unda e piedranan a bin, y unda e dos piedra diferente a origina.
“Arkeologonan y geologonan ta debatiendo for di unda e piedranan sarsen cu a usa pa construi Stonehenge a bin pa mas di cuatro siglo”, Nash a bisa. “E data nobo significante aki lo yuda splica mas di con a construi e monumento, y talbes duna un bista den e rutanan riba cual a transporta e piedranan di 20 pa 30 ton.”
