Investigadonan di Australia ta bisa cu e descubrimento di un craneo di dos miyon di aña den Sur Africa ta mustra mas luz di e evolucion humano.
E craneo tabata di un macho di Paranthropus robustus, un “especie primo” di Homo erectus, un especie cu ta kere di ta antepasadonan directo di humanonan moderno. E dos especienan a biba aproximadamente e mesun tempo, pero Paranthropus robustusa instingui antes y e ekipo di investigacion a describi e encuentro aki algo emocionante.
“E mayor parti di e registro focil ta solamente un djente di aki aya, por loke tene algo manera esaki ta algo hopi straño, hopi fortuna” Dr. Angeline di BBC a bisa na e investigadonan di e universidad di Trobe di Melbourne, nan a haya e fragmentonan di e craneo na 2018 den e sitio di arkeologo di Drimolen na e banda nort di Johannesburgo. Tabata descubri poco metronan di un luga unda a descubri e craneo di un mucha di Homo erectur di edad similar na 2015.
Especie den competencia
Ta kere di 3 especie di hominido (criaturanan parecido na humanonan ) tabata biba na sur Africa den e mesun tempo competiendo entre si. Manera tal, e descubrimento di e craneo a presenta un ehempel straño di “microoevolucion” den e liniahe humano, Martin a bisa.
Paranthropus robustus tabata tin djente grandi y cerebro chikito na diferencia cu Homo erectus cu tabata tin cerebronan grandi y djentenan chikito. Tabata kere cu e dieta di esun prome tabata consisti di come principalmente mata duro.
“cu tempo, Paranthropus robustus probablemente a evoluciona pa genera y resisti forsanan mas halto di produci na morde y kauw alimentonan cu tabata dificil of mecanicamente dificil di procesa cu su mandibulanan y djentenan” , Dr. Leece a bisa.
E cientificonan a bisa cu e tabata posibel cu un ambiente mas humedo causa door di e cambio di clima lo por a reduci e cuminda disponibel pa nan. Mientras tanto, Homo erectus, cu su djentenan mas chikito, e tabata mas probabel di a come mata mas cu carni.
