Cientificonan ta descubri bichi cu ta come plastic y por salba planeta

Cientificonan a descubri bichinan cu por literalmente guli nos problema mundial cu plastic. E bichi yama un waxworm. Cientificonan a descubri esaki accidentalmente, despues di a pone e bichinan den un saco di plastic.

Profesor y criado di bij Federica Bertocchini a pone e bichinan den un saco di plastic y diripiente el a mira mas laat con tabatin buraco den e saco. Hunto cu cientificonan Paolo Bombelli y Cristopher J. Howe, Bertocchini a dicidi di sigui investiga, uzando 100 di e bichinan. Nan a pone nan den varios tas di compras y nan a nota cu e bichinan a traha buraco den cada un despues di 40 minuut. Despues di 12 ora, nan a haya cu e plastic a degrada y a baha di peso cu 92 milligram. Pa haya sa si e bichinan berdaderamente tabatin efecto riba e plastic, nan a placha e bichinan, matando nan, y asina mes nan a bolbe haya buraco den e saconan. Esaki a comproba cu tin algo den e bichi su propiedad kimico cu ta corumpi e plastic.

E descubrimento aki lo por nifica cu si por uza e bichinan corectamente, por resolve un gran parti di e problema di polucion di plastic si e bichinan por come door di plastic por ehempel den lama. Cu suerte e cientificonan lo sigui studia e bichinan fascinante aki.