A painted wooden box fragment, claimed to be the only surviving example of early Anglo-Saxon painted woodwork, on display at Southend Central Museum in Southend, England, Thursday, May 8, 2019. Archaeologists say an underground chamber discovered accidentally by road workers may be the site of the earliest Christian royal burial in Britain. The chamber uncovered between a road and a railway line in the village of Prittlewell in 2003 turned out to be a 1,400-year-old burial site. (AP Photo/James Brooks)

Un camara bou tera descubri accidentalmente pa trahadonan di caminda ta mustra di ta e sitio di e entiero di realesa Cristian di mas trempan cu a ser haya na Reino Uni, arkeologonan a bisa, refiriendo na dje como e ekivalente Anglo-Saxon di e tumba di rey Tutankhamun.

E camara, descubri entre un caminda y un linea di trein den e pueblo sureste di Inglatera, Prittlewell na 2003, a resulta di ta un tumba 1,400 aña bieu.

Detayenan nobo a wordo publica ayera tocante e hallazgo, cual arkeologonan ta bisa ta e descubrimento di entiero Anglo-Saxon mas importante den mas di 70 aña.

Tesoronan desentera na e sitio ta inclui un faha di oro, e restonan di un instrumendo conoci como lyra, material di glas y un boter pa awa for di oost Mediteraneo, talbes di Siria.

Investigadonan ta bisa cu e obhetonan di luho ta indica cu e ocupante di e camara tabata un homber di bon posicion, probablemente un prins. Dos cruz di oro haya na e cabes di e caha di morto ta sugeri un entiero Cristian.

Mientras cu e identidad di e ocupante di e camara ta desconoci, hendenan local a dun’e apodo di ‘Prins di Prittlewell’.

Fragmento di esmalte di djente – e unico restonan humano descubri – a revela cu e tabata mas di 6 aña bieu, y e tamaño di e caha di morto ta sugeri cu e tabata como 1.73m halto.

Sophie Jackson, director di investigacion na Museo di Arkeologia di London, a bisa cu e ‘miho suposicion’ ta cu ta trata di Seaxa, ruman di rey Saebert, e prome rey Anglo-Saxon cu a converti na Cristianismo. El a bisa cu e entiero a tuma luga na un momento unda Cristianismo tabata competiendo na Reino Uni contra creencianan Pagano antiguo.

“Nan lo ta net den e transicion entre un entiero pagano cu tur bo pertenencianan, pero tambe tin e cruznan aki”, el a bisa.

E Anglo-Saxon tabata descendientenan di tribunan Germanico, cu gradualmente a invadi Inglatera via lama na cuminsamento di siglo V, despues di e collapse di Imperio Romano. Nan a logra reina riba e pais te ora di e conkistanan Norman na 1066.

Decenas di artefacto lo ser mustra diasabra na Southend Central Museum, cerca di e sitio original, y como 60km oost di London.