Leon McFarlane a research technician works with blood samples from volunteers in the laboratory at Imperial College in London, Thursday, July 30, 2020. Imperial College is working on the development of a COVID-19 vaccine. Scientists at Imperial College London say they are immunizing hundreds of people with an experimental coronavirus vaccine in an early trial after seeing no worrying safety problems in those vaccinated so far. Dr. Robin Shattock told the Associated Press that he and colleagues had just finished a very slow and arduous process of testing the vaccine at a low dose in a small number of participants and would now be expanding the trial to about 300 people, including those over 75. (AP Photo/Kirsty Wigglesworth)

Cientificonan na Imperial College London ta bisa cu nan ta inmunisando centenares di persona cu un vacuna experimental pa coronavirus den un estudio trempan, despues di no haya problemanan preocupante cu siguridad den un grupo chikito cu a vacuna te awo.

Dr. Robin Shattock, un profesor na e institucion, a bisa AP cu e y su coleganan a net termina un proceso hopi slow y arduo pa test e vacuna na un dosis abou den e participantenan inicial y awo lo expande e estudio na alrededor di 300 persona, incluyendo algun cu mas di 75 aña di edad.

“E ta bon tolera. No tin efectonan secundario”, el a bisa, admitiendo cu ainda ta hopi trempan den e estudio. Shattock, kende ta liderando e investigacion di vacuna na Imperial, a bisa cu e ta spera di tin suficiente data di siguridad pa cuminsa inocula varios miles di persona na october.

Desde cu infeccionnan di Covid-19 a reduci dramaticamente na Reino Uni, haciendo dificil pa determina si e vacuna ta funciona of no, Shattock a bisa cu e y su coleganan tambe ta buscando pa test nan vacuna na otro luganan. “Nos ta mirando e pandemia hopi cuidadosamente, e cifranan unda tin e hot spots, y papiando cu colaboradornan cu tin e facilidadnan pa haci e tipo di estudionan aki.”

E vacuna Imperial ta usa partinan sintetico di codigo genetico basa riba e virus. Unabes inyecta den e musculo, e propio celnan di e curpa ta haya instruccion pa traha copia di un proteina ‘spiky’ riba e coronavirus. Esey lo mester duna impulso na un respuesta inmuun, pa asina e curpa por combati cualkier infeccion cu Covid-19 den futuro.

Organisacion Mundial di Salud (WHO) a bisa cu tin mester di varios intento di vacuna pa Covid-19, notando cu e cifra di exito usual pa desaroyo di vacuna ta alrededor di 10%.

Shattock a bisa cu tin cantidad di vacuna di coronavirus actualmente den estudio clinico, y el a predeci cu sikiera algun di nan lo demostra su eficiencia. “Nos tin 20 vacuna den estudio clinico, pues nos por tin confiansa cu sikiera dos di nan lo funciona”, el a bisa. “Realmente ta depende di con fuerte e respuesta immuun mester ta pa duna proteccion.”

Shattock a bisa cu e ta optimista cu e vacuna Imperial lo traha, pero mester warda e data cientifico di e estudio.

“Mi ta bay djis wanta rosea y warda”, el a bisa.