(TheGuardian)—Cientificonan a crea un vacuna cu tin e posibilidad pa proteha contra un rango di coronavirus, incluyendo variedad cu ainda no ta conoci. E vacuna experimental, cual a test den raton, ta marca un cambio den strategia pa “vacunologia proactivo,” unda vacunanan ta diseña y ta prepara pa fabrica prome cu un posible virus pandemico surgi.
E vacuna a ser crea por medio di pega proteinanan for di diferente coronavirus hunto pa nanoparticulonan minusculo cu ta ser inyecta pa prepara e defensa di curpa pa bringa un virus si e invadi.
Pasobra e vacuna ta train e sistema immuun pa combati proteina cu ta comparti entre diferente tipo di coronavirus, e proteccion cu e ta duna ta extremamente amplio, cual ta haci’e efectivo contra virusnan conoci y desconoci den e mesun famia.
“Nos a mustra cu un vacuna relativamente simple por provee ainda un respuesta “scattershot” entre un rango di diferente virus,” Rory Hills, un investigado graduado na e Universidad di Cambridge y prome autor di e rapport.
Testnan den raton a mustra cu un vacuna a causa un respuesta di immuun amplio contra coronavirus, incluyendo Sars-Cov-1, e patogeno cu a causa e brote di Sars den 2003, aunke proteinanan for di e virus ey no a ser agrega den e nanoparticulonan di a vacuna. Detayenan di e trabao, un colaboracion entre e universidadnan di Cambridge y Oxford y e Instituto di Tecnologia na California, a ser publica den Nature Nanotechnology.
E vacuna universal contra vacuna por ser produci den facilidadnan existente pa fermentacion microbial, Hills a bisa, agregando cu e investigadornan tabata trahando cu partnernan industrial riba maneranan pa engrandece e proceso. E nanoparticulonan y proteinanan viral por ser crea na diferente momento den diferente luga y mescla despues pa produci e vacuna.
Reguladornan medico no tin procedura pa vacunologia proactivo y e investigadonan ta bisa cu esakinan lo mester ser resolve cu e curpanan relevante. Si ta haya cu e vacuna ta safe y efectivo den humano, un opcion lo ta pa us’e como un booster contra Covid cu e beneficio agrega contra otro tipo di coronavirus.
