Cicig a keda obliga di sali for di Guatemala despues di mas di 12 aña trahando den buskeda di elementonan ilegal, cu supuestamente a converti Guatemala den ‘un estado structuralmente corupto’. Su labor durante e añanan aki tabata controversial y a enfrenta di manera habri e Ehecutivo Guatemalteco.
E entidad aki, cu tabata protegi pa ONU, a presenta como su actividad ultimo un informe yama ‘Guatemala, un Estado captura’, den e cual a detaya e nivel di corupcion cu ta invadi henter e esfera politico di e pais.
E salida di e Comision, cu tabata plania pa ayera, a produci di manera lento den ultimo simannan pa e hefe di Cicig, e abogado Colombiano Iván Velásquez, consecuencia di e caso cu a ser descubri den añanan ultimo, cu a laga den evidencia ‘cua tabata e raiz di e problema di e pais’.
Segun e abogado, ‘esunnan cu tin e poder di e Estado’ tabata esunnan cu tabata faborece e salida forsa di un organisacion manera Cicig. Presidente Jimmy Morales a dicidi aña pasa cu no lo renoba e estadia di e organisacion na e pais pa tema di siguridad nacional y a prohibi e entrada di Iván Velásquez pa Guatemala.
Pa su Director, na momento cu e investigacionnan a cuminsa tuma un tono serio y profundo y nan a relaciona cu algun actor politico, economico y social di e pais cu un structura corupto, nan a scoge pa ‘acorda cu cualkier actor cu lo garantisa nan siguridad’, incluyendo gruponan criminal.
E informe ta señala e funcionario halto di e poder Ehecutivo y Legislativo di e pais como responsabel di genera desprestigio y persigui e organisacion ‘pa nan mesun interes’ y ‘pa garantisa e impunidad’.
