CIBC First Caribbean a ser nombra e banco cu miho transformacion digital di aña 2022

(CuracaoChronicle) – CIBC FirstCaribbean a logra un otro premio prestigio pa su gran cambionan ehecuta den direccion di e espacio di banco digital.

Pa medio di nombra e banco e “Best Digital Transformation Bank 2022”, The European, un publicacion financiero global basa na London a bisa cu e decision ta basa riba e “banco su esfuersonan y accion tuma den direccion di banco digital, productonan online, servicionan bancario riba internet y e productonan corporativo bancario ademas di un standard global conhuntamente cu e opinion di un panel selectivo di analistanan cu un gran reputacion.”

E banco su director ehecutivo Deepa Boucaud a expresa gran alegria cu e premiacion aki notando cu e ta un testimonio di e “trabao duro y compromiso na un excelencia pa e cliente den henter e nivel bancario.” El a bisa cu e banco ta comprometi na su transicion digital sigurando cu su clientenan tin na nan punta di dede tur e productonan y servicionan pa haci nan uso di e banco personalisa y facil. “Nos lo sigui lidera e caminda cu productonan moderno, innovativo y servicionan cu ta simplifica e experiencia bancario pa nos clientenan pa medio di provee nan cu capacidadnan digital nobo,” Boucaud a bisa.