Chuculati preto generalmente ta contene menos sucu cu otro tipo di chuculati. Mas importante ainda, e tin concentracion nan mas halto di cacao den polvo. E cacaco ta haci di granos di cacao, cu tin nivelnan halto do antioxidantenan y flavoides, dos substancianan cu a relaciona cu otro den e salud di curason.

Sin embargo, prome cu cuminsa come chuculati amargo, tuma un momento pa compronde cu ciencia ta bisa y no bisa, tocante e chuculati preto pa bo curason

E chuculati preto por ta bon pa bo curason

E beneficionan pa e curason di e chuculati preto ta proveni di e gran cantidad di cacao cu e ta contene. Manera tur otro substancianan di origen vegetal, e cacao tin beneficionan pa salud di curason.

A ser descubri cu e flavonoides, un tipo di molecule cu ta ser haya den cacao, asina manera appel tambe, citrus, te, y otro alimentonan vegetal, ta reduci e presion arteral den e hendenan cu tin hipertension. E flavonoides, un subgrupo di flavonoides cu ta specialisa rico den chuculati preto, tambe por tene efectonan positivo salud pa curason.

Flavonoides tin propiedadnan antioxidante. E antioxidantenan, cu ta wordo haya den cacao, manera basil, spinach, y otro alimentonan vegetal, ta molecule di origen natural cu por repara celulanan daña y por reduci e riesgo di enfermedadnan cardiaco.

Por ehempel, e investigacion a haya cu come alimentonan cu contenido halto di antioxidante y flavonoide por ta beneficioso pa curason. Specificamente un estudio di 2017 den Journal of the American Heart Association a conclui cu chuculati amargo, e cacao y pinda por reduci riesgonan di enfermedadnan di arterianan coronario, e tipo mas comun di enfermedad cardiaco.

E estudio a analisa personanan cu sobrepeso y obesidad entre 30 y 70 aña di edad, cu a wordo separa den 3 grupo : Un cu a cunsumi un dieta tipico di Merca, otro cu a incorpora pinda y di 3 cu a incorpora pinda y chuculati preto. E grupo cu a cunsumi chuculati preto amargo y pinda a tene e mayor reduccion den colesterol LDL, cu tabata considera un factor di riesgo importante pa e enfermedad cardiaco.

Toch e ta necesario pa modera e chuculati preto

Prome bo morde un pida di chuculati amargo, ta importante di corda cu e moderacion ta algo clave, Lauren Gilstrap, MD, cardiologa di Centro di Salud Darthmouth Hitchcock, a bisa. “Mi no ta kere cu niun hende lo come e chuculati suficiente pa reduci e colesterol y presion arteral sin causa mucho otro dañonan di sucu den sanger, e peso y cosnan por el estilo” Gilstrap ta bisa.

E estudionan tambe ta enfatisa esaki : chuculati amargo solamente mester wordo consumi sin “excede e necesidadnan energetico” of sin consumi demasiado caloria, segun e estudio publica den Journal of the American Heart Association. No tin un dosis recomenda di chuculati amargo, pero e participantenan di e estudio a come 43 gram di chuculati amargo pa dia.

Ademas, e beneficionan di e chuculati amargo ta mas fuerte ora tin un mayor substancia di cacao : banda di 80% of mas. E tipo di chuculati amargo por tene un smaak marga y no ta algo particularmente popular entre e consumidonan, Gilstrap ta bisa, aunke definitivamente e ta mas saludabel cu e chuculati blanco of cu lechi.

Si bo ta deseando algo, chuculati amargo ta un opcion mas saludabel cu otro cumindanan chatara cu contenidonan halto di sucu y vet. Pero si bo ta buscando e beneficionan pe curason asocia cu e flavonoide y antioxidantenan, tambe bo lo kier come mas pinda, basil, apple, citrus, spinach y bebe te preto of berde.