Influencia di China den asuntonan Mericano ta mesun preocupante cu e situacion cu Rusia, segun director di CIA (Central I ntelligence Agency) a laga sa. Mike Pompeo bisa BBC cu e Chinesnan tin hopi mas capacidad di esaki cu Rusia. Manera ehempelnan, el a subraya e esfuersonan haci pa horta informacion comercial for di Merca, infiltracion di scolnan y hospitalnan – anto esaki a yega te na Europa cu UK. Sr. Pompeo tabata traha pa Congreso Republicano prome cu el a cuminsa dirigi CIA.
Den su entrevista cu BBC, sr. Pompeo tambe a laga sa cu el a spera cu Rusia lo bay purba intermedia den eleccionnan Mericano na november 2018. Pero te ainda no tin ningun indicacion cu esaki tabata e caso ni cu Europa of Merca. E concentracion ta keda tambe na Noord Korea cu lo por tin e capacidad pa lansa misilnan nuclear contra Merca den un par di luna.
Fuente: BBC
