China a lansa un raket Long March 6 diabierna madruga (6 di november) cu 13 satelite abordo exitosamente den espacio.
Cada 90 libra (41 kilogram) di satelite ta transporta carganan util di imagennan multi-espectacular. A wordo diseña pa opera den espacio durante por lo menos 3 aña.
Satellogic a firma un contracto cu China Great Wall Industry Corporation, un rama di e principal contratista espacial di China, na januari 2019 pa lansamentonan manera manda 90 satelite. Satellogic ya a haya financiamento di e gigante tecnologico Chines, Tencent.
E mision tambe a hiba cu a lansa 3 satelite adicional. Un tabata e satelite di deteccion remoto UESTC (tambe conoci como Tianyan-05) desaroya conhuntamente door di e empresanan nobo di China di satelitenan comercial ADAspace y MinoSpace. Su imagennan lo wordo utilisa principalmente pa ciudadnan inteligente,agricultura, silvicultura y pa monitor desasternan. E plataforma satelital tambe lo haci carganan util di comunicacion cu ta opera den un rango terahertz, un posibel sucesor di e comunicacionnan 5G.
Otro carga util, Beihang SAT-1, a wordo desaroya door di Spacety, un fabricante di satelite comercial cu sede na Changsha, China central, den colaboracion cu Universidad di Beihand, un universidad aeroespacial na Beijing. E satelite lo hiba a cabo experimentonan den espacio, incluyendo recepcion y retransmision di señalnan ADS-B desde avionnan y e exploracion di tecnologianan di transmision di datonan via laser.
Beihang SAT-1 tambe ta hiba un sistema di propulsion electrico NPT30-I2 desaroya door di e startup Frances, ThrustMe. E sistema innovador ta utilisa propelente di yodo cu lo por wordo almacena di forma solido, loke ta reduci e costo y e complehidad den comparacion cu e propulsion di gas den espacio. E sistema por yuda na controla e nave espacial y acelera su desorbitacion despues di e mision final di e satelite, reduciendo e desechonan espacial.
