China ta investigando compania Hulandes Vion pa miedo cu nan ta “dumping” porco den nan mercado

(NLTimes.nl) – China ta investigando con e compania di procesamento di carni Vion na Boxtel ta importa su producto di porco pa e mercado Chines. Dos otro compania den Union Europeo tambe ta den centro di e investigacion. Beijing ta sospecha e compania di “dumping”, cual ta nifica cu ta bende producto na un prijs artificialmente abou den e mercado Chines.

E ministerio di Comercio Chines a duna di conoce esaki diahuebs. Vion ta e productor mas grandi di carni na Hulanda y ta entre e tres compania mas grandi di procesamento di porco den Union Europeo cu ta exporta pa China. E otro compania cu Beijing ta investigando ta Danish Crown di Dinamarca y Litera Meat di Spaña.

A pidi e compania pa yena un cuestionario, e ministerio a informa. China a envolve 24 productor di porco local den e investigacion. E gobierno kier sa di e companianan aki ki posible daño “dumping” ta haci nan.

Vion a nenga e acusacion y a referi na un reaccion di e Centrale Organisatie voor de Vleessector (COV), cu ta representa e interes di e empleadornan den industria di carni Hulandes. E presidente di COV, Laurens Hoedemaker, a expresa cu confiansa cu e investigacion Chines lo mustra cu no tin “dumping”.

“Nos ta spera cu nos por continua e cooperacion mutuamente beneficioso cu China pa nos por suministra consumidornan Chines cu producto di porco di calidad halto, sigur y sostenible di Europa,” el a bisa.

E ministerio di Comercio Chines a anuncia cu nan a cuminsa un investigacion siman pasa. E anuncio aki a bin poco tempo despues cu e Comision Europeo a informa cu nan ta bay implementa tarifanan di importacion mas halto pa auto electrico di China.

Pero, Beijing ta afirma cu e investigacion ta bin despues di un peticion formal di e China Animal Husbandry Group (CAHG), un compania estatal cu ta representa e industria di porco Chines. Segun CAHG, e cantidad di porco di Union Europeo den mercado Chines ta suficiente pa considera como “dumping.”

Rabobank a declara anteriormente cu e cantidad di porco exporta for di paisnan di Union Europeo pa China a cay aña pasa. E banco ta ripara tambe cu e caida ta continua. Por ehempel, na 2020, 55 porciento di e total di exportacion di porco di Union Europeo a bay pa China, compara cu 30 porciento di aña pasa.

Restriccion comercial Chines, manera tarifanan di importacion mas halto, tabatin un efecto negativo riba e mercado di porco Europeo, segun Rabobank. China ta un di e mercadonan mas grandi pa Union Europeo cu ta trata cu porco. E total di importacion a bal mas cu 1.7 biyon euro aña pasa. Spaña, Dinamarca y Hulanda ta ser considera responsable pa mayoria di esaki.