(AP) – Riba diasabra China a critica e decision mas recien di parti di Merca pa haci mas estricto e controlnan di exportacion cual lo haci mas dificil pa China por obtene y fabrica chipnan mas avansa, yamando esaki un violacion na e reglanan di intercambio di y economia internacional cu lo “isola” Merca.
“Pa causa di e necesidad di mantene un posicion halto den ciencia y tecnologia, Merca ta abusa e medidanan di control pa blokia y contene companianan Chino,” vocero di Ministerio di Asuntonan Exterior Mao Ning a bisa.
“E no lo solamente daña e derechonan legitimo y interes di compania Chines, pero tambe lo afecta interes di companianan Mericano,” el a bisa. Mao tambe a bisa cu Merca su strategia di usa ciencia y tecnologia ademas di problemanan di intercambio economico como un arma no lo stop China su progreso.
E tabata papiando despues cu Merca a actualisa e controlnan di exportacion incluyendo agrega cierto chipnan avansa y fabricamento di semiconductor na su lista, ademas di rekisitonan di licencia nobo pa articulonan lo ser usa den un supercomputer of desaroyo di semiconductor na China.
Merca a bisa cu e control di exportacion a ser agrega como parti di un esfuerso andando pa proteha Merca su siguridad nacional y interesnan di politica stranhero.
