(AP) — Ehercito Chines a bula 38 fighter jet y otro avion di guera cerca di Taiwan, segun ministerio di Defensa Taiwanes a bisa ayera, den e despliegue di mas grandi di vuelo desde e ehercicio militar grandi den cual a simula seya e isla anteriormente na april.
Tambe a mira barconan di marina den e area como parti di e campaña di intimidacion di China contra Taiwan.
Tambe ayera, e Ehercito di Liberacion Popular Chines a haci un protesta pa e vuelo di un avion di patruya anti-submarino P-8A Poseidon di marina Mericano door di Estrecho di Taiwan, cu ta separa China continental for di e isla democratico autonomo reclama pa Beijing.
E di 7 Flota Mericano a bisa cu e vuelo diahuebs tabata di acuerdo cu ley internacional y ta “demostra e compromiso di Merca na un Indo-Pacifico liber y habri.”
Merca ta keda como e aliado militar y politico mas cercano di Taiwan, a pesar di e falta di lasonan diplomatico formal entre nan. Merca ta rekeri pa Washington regarda tur menasa contra e isla como asuntonan di “preocupacion grave” maske ta keda ambiguo si lo manda forsanan Mericano pa yuda defende e isla.
Beijing a menasa di trece Taiwan bao su control si ta necesario cu forsa, y e lider intensamente nacionalista di China, Xi Jinping a hura pa nunca entrega “ni un solo inch” di teritorio reclama pa su pais – un promesa cu ta aplica na Taiwan, e frontera den disputa cu India, y e Lama Sur Chines, cual China ta reclama casi den su totalidad.
