Despues di decadanan, China a dicidi di caba cu su politica di un yiu unico, segun a informa e agencia estatal di noticia Xinhua. Tur pareha ta permiti nan pa tin dos yiu, a indica Xinhua, cu a cita un comunicado di Partido Comunista pa duna di conoce e informacion. E medida controversial a wordo introduci den henter e teritorio nacional na 1979 cu e obhetivo di reduci e tasa di natalidad y frenta e crecemento di e poblacion. Sin embargo, e preocupacion pa e enbehecimento di e poblacion den e gigante Asiatico pa ta clave pa impulsa e cambio.
Desde cu esaki a drenta den vigencia, ta wordo calcula cu e politica di un solo yiu a yuda preveni rond di 400 miyon di nacemento. E parehanan cu tabata viola e norma, tabata enfrenta un variedad di castigo, desde multa y retiro di nan trabao y hasta abortonan forsa.
Cu e transcurso di tempo, e politica a wordo flexibilisa den algun provincia, pues tanto sociologo como demografonan a expresa nan preocupacion pa e costonan social di e medida y caida di e cantidad di trahador. E Partido Comunista a cuminza formalmente na relaha e normanan nacional dos aña pasa ora cu el a cuminza na permiti parehanan conforma pa un unico yiu, tin un di dos yiu.
Fuente: BBC
