(Infobae/LaRepublica) – Ecuador a obtene di China un credito di 900 miyon dollar, cu un tasa di interes ‘mas abou di historia’ di 6,5% sin mester compromete su petroleo den futuro, Secretaria di Comunicacion Ecuatoriano (Secom) a informa.
E compromiso a ser logra na e di dos dia di e bishita oficial realisa na e gigante Asiatico pa presidente Ecuatoriano Lenin Moreno, durante cual e pais Andino a habri expectativa nobo di credito cu un balor di 3.500 miyon dollar na banco di inversion, segun Secom a precisa den un comunicado.
Moreno a manifesta cu “e maneho transparente y disciplina di finanzas publico a genera confiansa den mercado internacional, loke a permiti Ecuador firma un convenio nobo di credito cu miho condicion cu e Banco di Desaroyo di China, cu un tasa di 6,5% den un plazo di seis aña y dos aña di gracia.” E mandatario a reuni diaranson pasa cu Xi Jinping, na e palacio di Pueblo di Beijing, den un cita den cual nan a trata e agenda bilateral y otro topico di comun interes.
Di acuerdo cu analistanan y medionan local, Ecuador ta trata cu e biaha aki un renegociacion di e debe halto cu nan ta mantene cu China, desde un decada pasa tempo cu ex-presidente Rafael Correa a negocia contractnan miyonario cu empresanan y cu gobierno di China, hopi di nan di sector di energia y hidrocarburo. Den e bishita nan a acorda tambe un credito sin reembolso di cooperacion pa temanan di seguridad militar, cu un balor di 30 miyon dollar.
