China tin plan pa manda cuatro mision espacial cu tripulacion y e mesun cantidad di nave di cargo pa completa trabou riba su stacion espacial permanente dentro di alrededor di dos aña, oficialnan a bisa despues di lansamento di un astronave recien diseña abordo di e raket mas recien.
E anuncio di e programa espacial cu tripulacion di e pais ta cementa mas leu e aspiracion Chines pa rivalisa Merca, Europa, Rusia y companianan priva den exploracion espacial exterior.
E astronave sin tripulacion y su capsula di retorno a wordo lansa den espacio abordo di un raket Long March 5B den su vuelo di debut diamars anochi, for di centro di lansamento Wenchyang den provincia isla di Hainan.
E capsula segun reportenan ta un mehoracion di e capsula Shenzhou basa riba e modelo Soyuz di Union Sovietico, y por transporta seis astronauta na luga di e tres cu por actualmente.
China anteriormente a lansa un stacion espacial experimental, cu despues a crash bek door di atmosferta, y tin plan pa construi un facilidad mas grandi cu modulonan multiple pa rivalisa e escala di Stacion Espacial Internacional (ISS).
E floreciente programa espacial di China tabatin un logro aña pasa, aterisando un astronave riba e banda scur di luna, ampliamente inexplora, y tin plan pa lansa un lander y rover riba Mars. E programa a desaroya rapidamente, specialmente desde su prome mision cu tripulacion na 2003, y a busca cooperacion cu agencianan espacial na Europa y otronan.
Merca, sinembargo, a prohibi mayoria di cooperacion cu China pa motibo di preocupacion pa siguridad nacional, strobando China di participa den Stacion Espacial Internaciona, y impulsando e pa gradualmente desaroya su propio ekipo. E raket nobo Long March 5B ta specialmente diseña pa lansa modulonan di e stacion espacial futuro den orbita.
China tambe ta entre e tres pais planeando misionnan na Mars pa e berano aki. Merca ta lansando un lander, China tin un combinacion di lander-orbiter, y Emirato Arabe Uni ta lansando un orbiter.
Por lansa astronave na Mars unicamente cada dos aña, pa saca bentaha di e miho alineamento entre Tera y su planeta bisiña.
