Un Chileno cu a wordo deteni na aeropuerto John F. Kennedy di New York a purba mata su mes, ora cu e tabata warda un vuelo cu lo a hib’e Chile bek, despues di un proceso di deportacion. E incidente a pasa diahuebs cerca di 7or di anochi, pero ta te diasabra prensa a haya e noticia pa por a informa publico, despues cu autoridad di Merca a comunica. Autoridad no a duna informacion tocante identidad di e muhe ainda, y nan a informa cu el a tuma 30 pildo pa drumi y varios pildo manera relahante muscular, ora cu e tabata deteni na departamento di duana y inmigracion di terminal 8 di aeropuerto John F. Kennedy.
Awo e muhe ta den hospital y su condicion ta stabiel.
