Segun cifra di Direccion General di Mobilisacion Nacional (DGMN), na henter e pais tin 733.950 arma autorisa pa su posesion.
Si considera e Censo 2017, esaki ta nifica cu tin un arma autorisa pa cada 24 persona. Cual lo nifica cu tur habitante di e comuna di Santiago y Viña del Mar ta posee un arma di candela.
Segun e Ley di Control di Arma, na Chile e DGMN ta establece cu ta permiti inscripcion di un di e elementonan aki ora ta existi siguridad di esun cu tin e arma ta haci esey cu e obhetivo di protege un luga, of lo utilisa esaki pa fin deportivo.
E registro di DGMN, te 31 di juli pasa, ta indica cu entre e armanan activo inscribi, esun mas numeroso ta ‘tiro pa tiro’, cu 400.897 unidad, di cual 235.798 ta revolver y 264.493 ta coresponde pa scopet.
Di loke trata e control di e armanan aki, e Coronel di Carabinero, José Manuel Benítez, Hefe di Departamento di Control di Arma y Explosivo di DGMN, a indica cu e organismo ta conta cu un sistema computarisa cu ta permiti registra arma y nan usuario. Tambe a destaca cu e fiscalisacion di su corecto uzo ta den man di Carabinero.
Sinembargo, y aunke ta pesa riba e actual reglamentacion, un di e principal fucu di siguridad di e gobierno actual ta control di arma, dentro di cual ta reconoci e existencia di e cifra ‘preto’, producto cu aunke mester ta registra debidamente, ta termina den man di delincuente.
Segun e sub-Secretario di Interior, Rodrigo Ubilla, e ehecutivo a dicidi di promove un serie di indicacion na un di dos proyecto di ley riba e materia aki.
