Ayera dialuna, e capital di Chile a lanta ‘den calma’, na e prome jornada laboral desde cu a termina e protestanan social, cu un linea di metro so habri y servicio di bus cu subsidio pa purba pa e ciudadanonan asisti na nan trabou cu normalidad.
Asina a expresa e general di division Javier Iturriaga, encarga di siguridad na Region Metropolitano desde cu a decreta estado di emergencia, el a habilita e uzo di e Fuerzas Armadas pa controla e violencia cu a surgi na Chile, den marco di un protesta ciudadano pa desigualdad.
“Esaki ta un lento despertar di e ciudad, den calma, na paz, loke tin nos trankilo pero na mesun tempo nos ta hopi alerta pa soluciona cualkier inconveniente cu algun desadaptado por provoca”, Iturriaga a bisa pa e prensa despues di bula riba e ciudad pa wak e actividadnan na prome oranan di dialuna.
Despues cu e servicio di metro a permanece cera desde diabierna pasa, e jornada aki a habri un di su liñanan, y a habilita servicio special di busnan pa facilita na medida posibel cu e Santiaguinonan por yega na nan luga di trabou.
Desde prome ora di mainta por mira grupo grandi di hende sperando e apertura di algun stacion di bus.
Sebastián Piñera, ken a bisa cu Chile ta ‘den guera’ contra un enemigo hopi poderoso, den relacion cu e gruponan violento cu ta causa desaster, e general Iturriaga a bisa cu e ta ‘un homber feliz’ y no den guera cu ni un hende.
