SANTIAGO (NTN24) – E presidente Chileno, Sebastian Piñera a reprocha su antecesor y alto comisionado actual di Derechonan Humano di ONU, Michelle Bachelet, pa no condena ‘e dictadura di Maduro’ y e violacion di derecho humano cometi na Venezuela.
“E alto comisionado Michelle Bachelet te ainda no a condena e dictadura di Maduro pa persuadi e derechonan humano na Venezuela, esey ta insuficiente, mi ta bisa cu respet pero cu berdad”, Piñera a bisa na un entrevista.
Piñera a afirma cu e antecesor di Bachelet den ONU, e Jordano, Zeid Ra’ad Al Hussein, ‘tabata hopi mas claro, mas categorico pa condena e violacion di derechonan humano’.
Piñera siman pasa tabata hunto cu Guaidó na e ciudad Colombiano di Cucuta, den un intento pa drenta e ayudo humanitario na Venezuela. Den e evento a ser registra protestanan cu a laga seis morto y centenares di persona herido na varios punto di frontera. Tambe tabata presente e presidente Colombiano, Ivan Duque y di Paraguay, Mario Abdo.
“E Grupo di Lima, forma pa mas di un dozijn di pais pa yuda resolve e crisis Venezolano y varios democracia di e mundo, ta pidi Bachelet pa cumpli cu e rol cu ta coresponde pe como alto comisionado, di defende e derechonan humano na un pais den cual ta persuadi brutalmente, manera Venezuela”, Piñera a sigura.
Tambe el a referi na e encuentro di presidentenan cu Chile lo realisa fin di maart pa resolve e creacion di Prosur, un foro apoya pa e gobiernonan derechista di presidente Mauricio Macri di Argentina y Jair Bolsonaro di Brasil, cu nan a ‘compromete cu democracia y derechonan humano’.
