Chens cu Amsterdam lo pidi disculpa pa pasado di sclavitud

Probablemente Amsterdam lo ta e prome ciudad Hulandes cu lo pidi disculpa formalmente pa nan rol den comercio di esclavo despues cu mayoria di e consehalnan a respalda e medida

E shete partido, cu 31 di e 45 asientonan di conseho, a vota dialuna pa ofrece un disculpa na e ciudad di Keti Koti durante e conmemoracion anual di sclavitud, otro aña dia 1 di juli.

Don Ceder, di e grupo ChristenUnie, a bisa: ‘Esaki mester a sosode mas trempan’, mientras cu Dehlia Timman di D66 a describi e votacion como ‘un momento historico’.

E otro partidonan cu ta apoyando e movimento tabata GroenLinks, PvdA, SP, Bij1 y Denk. Rutger Groot Wassink, consehal di asuntonan social y diversidad di Amsterdam, a bisa cu e funcionarionan di conseho lo honra e decision, pero a agrega cu proximo aña mester ta dedica na investiga e pasado di e esclavonan di e ciudad.

‘Si bo ta bay pidi disculpa, bo mester sa exactamente pa kico bo ta haciendo esaki’, Het Parool a bisa. E ex Minister di Integracion , Roger van Boxtel a expresa cu e ta lamenta profundamente tocante e remordimento pa e comercio di esclavo, den un declaracion na 2001, pero a stop prome cu a bisa sorry.

Alcalde di Rotterdam, Ahmed Aboutaleb a bisa na 2018 cu e gobierno mester pidi disculpa, pero su suplica a cay manera nada. Amsterdam tin un participacion di un di tres parti den sociedad di Surinam, cu a establece y dirigi e comercio di colonia Sur Americano durante un siglo.

E historiado di Universidad di Leiden Karwan Fatah-Black, kende recientemente a publica un buki tocante di e tema, a bisa: ‘E conseho a hunga un rol destacando den historia di sclavitud’.