E chauffeur M. Vrolijk kende a manda su pickup riba deportista y boluntario durante e Sprint Triathlon (7 mei) a wordo deteni finalmente.
Na prome instante polis no kier a tuma e keho di e organisacion Aruba Triathlon Association. E motibo duna segun e organisacion aki, tabata cu segun polis nada a pasa e dia ey. Aunke e chauffeur a uza su pickup como arma, mandando e vehiculo intencionalmente riba hende, segun varios testigonan.
Manera Bon Dia Aruba a publica polis no mag di nenga kehonan di ciudadano. Esaki ta para hopi clave den ley. Awor nos redaccion ta compronde cu polis despues a tuma e kehonan di mas testigonan y dialuna esaki a resulta den e detencion di sr. Vrolijk. Segun informacion no ta prome biaha cu e homber a manda su pickup riba hende. Esaki ta un echo castigabel y ta cay bou intento di homicidio.
