Dialuna den careda di 5 or mainta polisnan ta keda manda cu urgencia pa e caminda di Shaba altura di e mallnan unda lo tin un accidente di auto basta fuerte y tin personanan herida. Na yegada di e patruya di Noord a topa cu un auto a bolter riba caminda, un otro basta kibra y e di tres auto kibra riba un parkeer plaats. A constata cu velocidad halto a hunga un rol pa loke ta chauffeur di e glanza cora. Tabatin testigonan cu a mira algo y informa autoridad kico a pasa. Di biaha ambulancenan a presenta na e sitio pa atende cu e 4 personanan herida debi na e impacto fuerte aki. E auto cora bayendo nort a bay pasa auto net ora cu un ford ta bay lora na su man robes aki e ta dal e ford, perde control dal riba otro auto staciona riba parkeer plaats, y di golpi a pone cu e ford ecosport a bolter. Specialista di trafico tambe a presenta pa atende cu e accidente aki.
