Chauffeur bou influencia cu a comete dos hit & run deteni

Diaranson atardi riba e caminda na Tanki Leendert poco pariba di e rotonde patruya a presenta pa un accidente pero e chauffeur a bandona e sitio tabata un tercel. Despues di rato autoridad a keda informa cu e caminda na Moko un auto a dal contra di un cura di cas y bandona e sitio lagando e bumper atras. Patruya a presenta y haya solamente e bumper cu e plachi di number A-26397, di biaha a notifica departamento di trafico y a resulta cu tabata e auto cu a hit & run na Tanki Leendert tambe. Riba e caminda di Bubali, pa San Miguel un persona tabata core tras di e auto y polis a logra pare den area di Koyari. A resulta cu ta e tercel cu basta sla dilanti y e chauffeur tabata bou influencia di alcohol y a keda deteni y e auto tuma den beslag.