(AP) – Apesar di e candelanan desastroso na Los Angeles, e di 97 Academy Awards lo sigui.

Mescos cu e Grammys y otro shownan di premiacion di e aña aki, e ceremonia lo keda transforma pa e candelanan, y e Academy of Motion Pictures and Sciences ta compromete pa yuda su miembronan y e comunidad di cine pa recupera.

Aki ta tur cos cu bo mester sa tocante di e show di aña aki:

Ki dia e Oscars ta tuma lugar?
 E Academy Awards lo tuma lugar diabierna 2 di maart na e Dolby Theatre na Los Angeles. E show, cual lo ta transmiti en bibo riba ABC, ta programa pa cuminsa 7or di anochi.

Ken lo anfitriona e Oscars?
 Pa prome biaha, Conan O’Brien lo ta e anfitrion di e ceremonia. O’Brien, e anfitrion di ‘Late Night’ cu a bira un podcaster y ocasionalmente unactor, a bisa den un anuncio: “Merca a pidi, y awor e ta pasa: Taco Bell ta trece e Cheesy Chalupa Supreme. Den otro noticia, mi ta bay anfitriona e Oscars.”

Con e candelanan a altera e show?
 E candelanan cu a consumi parti grandi di Los Angeles na januari a causa cu algun persona a pidi pa cancela e Academy Awards. E academia a pospone e anuncio di nominacion dos biaha, pero no a move e fecha di 2 di maart pa e ceremonia. Lidernan di e academia a argumenta cu e show mester sigui, pa su impacto economico ariba Los Angeles y como un simbolo di resilencia.

Organisadornan a priminti cu e premiacion di e aña aki lo “celebra e trabou cu ta uni nos como un comunidad global di cine y lo reconoce esnan cu a y ta sufriendo door di e candelanan”.

Pa hopi cu ta involucra den e Oscars, e candelanan a impacta nan profundamente. E cas di O’Brien den Pacific Palisades a sobrevivi, pero su famia no por bay back ainda. E asistente di O’Brien y co-anfitrion di su podcast, Sona Movsesian, a perde su cas.

“Mi conoce hopi hende cu a perde nan cas y mi ta sinti cu mi djis tabata tin hopi suerte,” O’Brien a conta The Associated Press. “Pa e motibo aki nos kier sigura cu e show refleha locual cu ta pasando y pa nos pone luz ariba e personanan corecto na un manera corecto.”

Ken lo presenta na e Oscars?
 E academia a anuncia diabierna cu e ganadornan di actuacion di aña pasa — Emma Stone, Robert Downey Jr., Cillian Murphy, Da’Vine Joy Randolph Joy — lo bin back riba e stage di e Oscars. Apesar di cu e academia a bisa cu inicialmente nan lo traha na un estilo “fab five” pa presenta e premionan di actuacion, cu cinco ganadornan di aña pasa pa categoria, organisadornan a dicidi di bandona e idea pa e ceremonia di e aña aki.

Lo tin musica?
 E academia a anuncia cu, al contrario cu aña pasa, e nominacionnan di canticanan original no lo ser presenta na e show. Esaki no kiermen cu no lo tin musica. Sinembargo, “Wicked,” un di e peliculanan cu a gana hopi popularidad, lo por presenta na e Oscars. Aunke e canticanan di e pelicula no ta eligibel pa mihor cantica, esta cu e canticanan no ta original pa e pelicula door cu nan a saca hopi cantica di Broadway musical.