Kylie Cosmetics ta haciendo un makeover. CEO Christoph Honnefelder ta bandonando e compania di beyesa, cual el a join apenas na januari, segun e compania mama, Coty a anuncia diamars, US Weekly a reporta ayera.
E compania, funda pa strea di ‘Keeping Up with the Kardashians’, Kylie Jenner, lo reemplasa Honnefelder cu Simona Cattaneo, kende te cu dialuna tabata presidente di marca di luho di Coty.
“Coty ayera a anuncia un cantidad di cambio cu lo permiti e compania enfoca riba su prestigio central y negoshi masal di beyesa, incluyendo inversion renoba den desaroyo di e-commerce di e frankisia di beyesa”, e compania a bisa den un declaracion pa FashionNetwork.com.
Rol di Cattaneo lo supervisa tanto Kylie Cosmetics como Kylie Skin, y tambe ‘e expansion di e negoshi Kylie pa Coty’, segun e declaracion.
Honnefelder a expresa ‘na e team senior internamente algun siman atras cu e no lo asumi e rol di CEO di Kylie Beauty pa motibonan personal’. E anuncio a bin net despues di un articulo explosivo di Forbes siman pasa, cual Bon Dia Aruba a reporta, den cual e publicacion financiero a acusa Jenner, di 22 aña di edad – ken anteriormente e revista a nombra un ‘un biyonario di su mes’ – di ‘probablemente falsifica’ documentonan di impuesto.
“Negoshi di Kylie ta hopi mas chikito, y menos rendabel, cu locual e famia a pasa varios aña poniendo industria di cosmetica y medionan di comunicacion, incluyendo Forbes, kere”, e revista a skirbi.
Jenner a critica e articulo pa su ‘cantidad di declaracion falso y suposicionnan falso’, pero a parce cu esey tabata suficiente pa intervencion legal.
Dialuna, bufete legal Federman & Sherwood a habri un investigacion riba Coty – cu tambe ta doño di Rimmel y CoverGirl – pa posibel violacion di leynan di siguridad federal, segun Business Wire a reporta.
