Den pasado Centro di Bario Tanki Leendert tabata funciona como un centro caminda diferente actividad-, fiesta- y eventonan por a tuma luga. Un centro di bario cu tabata conoce bida y ambiente, pero lastimamente esaki a pasa pa olvido y ta den un estado di deterioro completamente lamentabel.
E centro di bario su infrastructura ta asina malo cu aworaki ningun evento por tuma luga eyden pa motibo di seguridad di e hendenan. Den fin di siman tabatin un actividad cultural plania pa tuma luga na e centro aki, pero despues di mira e estado di deterioro di e centro a tuma e decision pa cancela esaki pa motibo cu e no por ricibi hende den un edificio asina.
Ta un lastima pa mira con un centro di bario cu antes tabata conoce bida, tabata cas di festivalnan di dande infantil, fesitval di himno y bandera infantil y tabata hogar pa diferente otro actividad pa diferente grupo, fundacion of organisacion di e isla, ta completamente lubida y sin ningun señal di un restauracion por lo pronto.
