Show di Dande un tradicion cultural pa final di aña na Aruba y otro siman ta bay tuma luga cu participacion di diferente gruponan y bao e organisacion di Fundacion Chico Harms ken tin prepara un show tremendo y special e aña aki.
E evento ta bay tuma luga dia 27 di december 2023 cuminsando pa 5:45pm cu un ceremonia di homenahe na baluartenan di e bario di Brazil.
E aña aki e show di Dande tin un concepto diferente y unico caminda nan tin 18 grupo di Dande confirma y durante e show ta bay tin un obra presenta pa Shipreke y Fundacion Procultura Arubano, caminda nan ta bay demostra con aña nobo tabata ser celebra antes na Aruba, acompaña pa Vicente Ras y su grupo Sodo y Cuero.
Durante e evento aki e publico asistente tin chens pa saboria diferente plato crioyo manera; cabrito stoba, carni stoba, pisca tempera, diferente sopi y hopi mas.
Nan ta invita pueblo di Aruba pa bay cu famia completo e dia 27 di december awor pa yuda engrandece Aruba su cultura, e entrada ta solamente 2,= florin.
Nan ta sigura cu e evento aki ta posibel danki na nan boluntarionan, nos sponsornan cu a kere den nan pa produci un actividad manera esaki y cu ta sigui kere den cultura.
E programa ta lo siguiente:
5:45pm Homenahe na Baluartenan di Brazil.
6:00pm Show di Dande ta start.
Gruponan segun secuencia:
1. Muchanan di scol bou guia di Meneer Jani Stamper
2. Ivy y su Grupo
3. Betty y su Grupo di Tambu
4. Tipico Tradicion Musical
5. Grupo Cariño
6. Sabor Crioyo
7. Flor di Pasco Aguinaldo
8:00pm Presentacion di Dande di Antaño presenta door di Shi Preke hunto cu Fundacion Procultura Arubano acompaña pa señor Vicente Ras y Sodo & Cuero.
8:20pm Show di Dande ta continua.
Gruponan segun secuencia:
8. Grupo nos Folklore
9. Tipico Shelo y Tera
10. Tipico Pegasaya
11. Tipico Facundo
12. Tipico Luis Maduro
13. Tipico un Brindis
14. Chupi y su Grupo
10:15pm Homenahe na Roland Ras y Mario Kelly Jr.
15. Tipico Sonido di Antaño
16. Alma Folklorico
17. Tipico Stimami
