E yegada di e vacunanan contra Covid-19 na Centro America no ta conoci te ainda na tur e paisnan y esaki ta e region di Latino America mas asota pa pobresa cu excepcion di Costa Rica cu ya a cuminsa caba vacuna su poblacion y Panama cu ta na espera di ricibi e prome dosis den dos siman.
E seis nacion di habla hispano di Centro America, cu cerca di 48,5 miyon di habitante, cu hopi hende pober y sistema sanitario deficiente desde basta tempo caba, ta acumula mas di 765.000 caso confirma di covid y di 16.000 morto desde luna di maart.
E region ta experimenta un transmision comunitario hopi lihe y sosteni di covid, segun Organisacion Panamericano di Salud (OPS) y ta participa na COVAX Facility, mecanismo di coordinacion na nivel mundial pa proporciona acceso igual y accesibel pa e vacuna.
Tambe, e paisnan centro Americano lo kier firma acuerdonan bilateral cu laboratorionan cu ta desaroya vacunanan contra pandemia.
Costa Rica di 5 miyon habitante, tabata un di e prome paisnan di Latino America cu a ricibi vacunanan di Pfizer/BioNTech 23 di december ultimo y dia despues a cuminsa e campaña di vacunacion cu fasenan, e prome ta integra pa hende grandi na casnan di cuido y personal di prome linea sanitario, entro otronan.
Panama cu 4.2 miyon habitante y cu e mayor number di casonan acumula na Centro America (mas di 269.000), lo ricibi e prome 400.000 dosis di e vacuna Pfizer/BioNTech entre 18 y 25 di januari, pa cuminsa den e prome tres luna e proceso di vacunacion dividi den 5 fase.
