Center for Disease Control and Prevention (CDC) ta alertando e islanan ABC riba situacion di Zika

Zika ta un virus cu un persona por haya for di e sangura  Aedis Aegypti. Esaki ta un virus cu por tin consecuencia pa e ser  na momento cu e keda pica. Aunke cu na Aruba te na e momentonan aki no a informa cu Center for Disease Control and Prevention (CDC) a saca un alerta pa e islanan Aruba , Boneiro y Corsou, tin un advertencia di nivel 2  pa e islanan riba e Virus di Zika na e momentonan aki.  Sinembargo Algemene Dagblad  na Corsou a alerta su comunidad y pa nan mantene rond di nan cas limpi . CDC ta avisa e turistanan Mericano riba e situacion aki na momento cu nan scoge un di e islanan aki pa nan destinacion pa pasa nan vakantie pa nan bay prepara, esaki sigur ta algo cu  minister di salubridad publico mester tene cuenta cun’e , pero tambe minister di turismo , mirando cu turistanan por para un rato keto y no scoge Aruba como destinacion.  Pero di otro banda a haya varios yamada di un boto cu no ta coriendo riba nos lama , pero cu ta produci sangura pa Aruba. Esaki ta un situacion cu e bisiña nan ta bibando cun’e pa varios tempo y no sa mas kico pa haci mirando cu e doño di e boto no ta preocupa su mes cu e situacion aki. Pero di otro banda ta treciendo e virus di ZIKA y Chikungunya den e bario di Savaneta. E habitantenan a splica cu nan a yama GKMB pero cu tampoco no a mira nan den vecindario. Sinembargo  tambe a acerca GKMB  y a avisa cu te na e momentonan aki nan no a haya informacion di salubridad publico cu nan ta riba alerta den nivel 2 y tampoco no a haya yamada di habitantenan di Savaneta, pa asina tira un bista. Ta spera cu pronto lo tin un splicacion cu gobierno por duna e informacion cu Center for Disease Control and Prevention (CDC) ta alertando e islanan ABC riba e situacion di ZIKA.