(AFP) – Cansa di e guera den nan zona, centenares di mucha y habitantenan a marcha diaranson ultimo pa exigi paz y derecho pa nan estudio na un scol di Colombia.
E tironan a cuminsa dia 5 di september den oranan di anochi pa enfrentamento entre disidentenan di antiguo guerrilla FARC y militarnan, cu a laga tras dos soldaat herido. Dia despues e maestronan a conta y a señala cu un stift 145 impacto di bala den e murayanan di scol, cu ta bisiña di un warda di polis.
“Mi ta sinti hopi tristesa, miedo y impotencia. Ta manera mi ta lagando mi mesun cas, mi soñonan, nan a daña e soño di 400 studiante” Sara Diaz di 14 aña ta bisa.
E alumno di secundario tabata marcha hunto cu centenares di studiante, maestronan y mayornan di e scol Jose Maria Obando, na municipio Corinto, un poblacion rural na departamento del Cauca, ubica na dos ora di e ciudad di Cali.
Sosteniendo banderanan blanco y borchinan cu mensahenan di paz, studiantenan a haci un recorido di casi 30 minuut.
Den localidad aki, e ultimo luna a registra varios enfrentamento entre gruponan arma ilegal y forsa publico.
Despues di e tiroteo haci un siman pasa e muchanan no por a bay scol back den e pueblo aki di casi 30.000 habitante, cerca di e cordiyera Colombiano.
Corinto ta sufri e destruccion di loke violencia ta causa, e rector di scol a sigura cu debi na enfrentamentonan nan a perde material y ekiponan manera TV, airco, bukinan y hasta stoelnan pa muchanan.
“Nos a keda obliga di retira nos tur y bay na otro sede pa salvaguardia e bida di nan,” el a sigura.
