CDC ta label Corsou como area di riesgo halto

(CuraçaoChronicle) – Centro pa Control y Prevencion di Malesa Mericano (CDC) a label Corsou como un area di riesgo hopi halto, y a pint’e cora scur riba e mapa (Nivel 4) pa motibo di un aumento den infeccion di Covid-19. Ta conseha Mericanonan fuertemente pa no biaha pa Corsou.

Despues cu durante varios luna no tabatin practicamente ningun infeccion riba e isla, tin un aumento desde mita di juli. Mientras e cifranan ainda ta hopi menos cu nan peak na comienso di april, y mayoria di e poblacion awo ta vacuna, esey no ta motibo pa CDC elimina Nivel 4.

Subsecuentemente, Departamento di Estado (Ministerio di Relacionnan Internacional) tambe a ahusta e conseho di biahe. E ta un mal noticia pa Corsou, pasobra turistanan Mericano ta un fuente principal di entrada.
Na mes momento, no tur Mericano ta bay worry cu e conseho.

E otro islanan Caribense den Reino tin un conseho di biahe menos negativo. Saba y St. Eustatius ta clasifica Nivel 1 (riesgo abao), Bonaire ta Nivel 2 (riesgo limita) y Aruba y St. Maarten ta den Nivel 3 (riesgo halto, pero sin problema si bo ta vacuna).

Incidentalmente, Hulanda ta bao clasificacion di Nivel 4 (riesgo hopi halto) pa hopi mas tempo, pero e consecuencianan ta limita pasobra turismo for di Merca no ta un fuente principal di entrada pa pueblo Hulandes.