Recientemente, Oficina Central di Estadistica (CBS) a publica su Indice di Prijs di Consumidor pa luna di november ultimo. Den esaki, a nota cu a indice di “cuminda y servicio di catering” a registra un aumento di 0.1%.
E indice di “Cuminda & servicio di catering” a registra un aumento di 0.1% na November 2023, mescos cu esun registra na October 2023.
E indice di “Cuminda na cas” (-0.03%) a registra un caida leve, unda seis (6) di e diesun (11) indicenan di e gruponan di cuminda na cas a baha na November 2023.
E indice di “Batata, yuca y batata dushi” a conoce e caida di mas grandi (-3.3%) na November 2023.
E indicenan di “Pisca y otro cuminda di lama” (-1.7%), “Berdura” (-0.8%) y “Carni” (-0.4%) tambe a registra caida.
E aumento mas grandi a wordo registra den e indice di “Bebida no-alcoholico” (1.4%) na November 2023.
E indice di “Cuminda pafo di cas” a registra un aumento di 0.5% cambio na November 2023.
Na November 2023, “Cuminda na cas” y “Cuminda pafo di cas” como grupo, tabatin un aumento di prijs di 0.1% compara cu October 2023 y hunto tabatin un influencia di 0.02 ppt riba e CPI, mientras cu e restante bienes y servicio hunto a experencia un aumento di prijs di 0.2% y tabatin un efecto di 0.16 ppt riba e
CPI.
