Oficina Central di Estadistica a publica su Indice di Prijs di Consumidor (CPI) pa luna di februari 2025. Den esaki, a nota cu e indice di cuminda y servicio di catering a registra un reduccion di prijs di 0.2%.
Cambio di prijs di Cuminda y servicio di catering na Februari 2025
E indice di “Cuminda & servicio di catering” a registra un caida di 0.2% na Februari 2025, despues di a registra un caida di 0.3% na Januari 2025.
E indice di “Cuminda na cas” (-0.3%) a registra un caida, unda cinco (5) di e diesun (11) indicenan di e gruponan di cuminda na cas a baha na Februari 2025.
E indice di “Berdura” a conoce e caida di mas grandi (-4.3%) na Februari 2025.
Otro caidanan significante a wordo registra den e indicenan di “Lechi, keshi y webo” (-1.1%) y “Fruta” (-0.2%).
E subida mas grandi a wordo registra den e indice di “Batata, yuca y batata dushi” (2.1%) na Februari 2025. E indice di “Cuminda pafo di cas” a registra un subida di 0.3% na Februari 2025. Na Februari 2025, “Cuminda na cas” y “Cuminda pafo di cas” como grupo, tabatin un caida di prijs di 0.2% compara cu Januari 2025 y hunto tabatin un influencia di -0.03 ppt riba e CPI, mientras cu e restante bienes y servicio hunto a experencia un subida di prijs di 0.5% y tawata tin un efecto di 0.43 ppt riba e CPI.
