E luna aki, oficina di estadistica CBS a publica e Indice di Prijs di Consumo pa luna di juni 2024. Den esaki a informa cu e indice di “Cuminda & servicio di catering” a registra un caida di 0.1% na Juni 2024, despues di a registra un aumento di 0.3% na mei 2024.
E indice di “Cuminda na cas” (-0.2%) a registra un caida, unda ocho (8) di e diesun (11) indicenan di e gruponan di cuminda na cas a baha na Juni 2024.
E indice di “Fruta” a conoce e caida di mas grandi (-2.9%) na Juni 2024.
Otro caidanan significante tabata registra den e indicenan di “Berdura” (-1.4%) “Batata, yuca y batata dushi” (-1.2%) y “Lechi, keshi y webo” (-1.1%).
E aumento mas grandi tabata registra den e indice di “Carni” (1.2%) na Juni 2024.
E indice di “Cuminda pafo di cas” a registra un aumento di 0.2% na Juni 2024. Na Juni 2024, “Cuminda na cas” y “Cuminda pafo di cas” como grupo, tabatin un caida di prijs di 0.1% compara cu Mei 2024 y hunto tawata tin un influencia di -0.02 ppt riba e CPI, mientras cu e restante bienes y servicio hunto a experencia un caida di prijs di 0.7% y tawata tin un efecto di -0.61 ppt riba e CPI.
