Oficina Central di Estadistica ta presenta e resultadonan principal di e cifranan di importacion y exportacion, prome kwartaal 2022.

Importacion total

Importacion total, den peso, a registra un subida di 60.6% den e prome kwartaal di 2022 (158.9 mln. kg) compara cu e mesun periodo den 2021 (99.0 mln. kg), den balor, ela subi cu 42.2% di Afl. 397.7 mln. pa Afl. 565.5 mln.

Importacion pa e area liber di Aruba* (peso)

Importacion pa e area liber di Aruba pa e prome kwartaal di 2022, a subi cu 60.9% di 97.4 mln. kg na 2021 pa 156.7 mln. kg na 2022. Durante e periodo aki diesocho (18) di e bintiun (21) seccionnan, a registra subida den importacion den peso pa e area liber di Aruba.

E subidanan mas grandi a wordo registra ta den e seccion “Productonan mineral” (52.3 mln. kg), “Productonan alimenticio” (2.1 mln. kg) y “Obranan di piedra, gips, cement of asbest)” (1.3 mln. kg). E caidanan mas grandi ta den e seccionnan “Productonan vegetal” (-0.4 mln. kg) y “Azeta y

otro productonan traha di vet” (-0.1 mln. kg).

Importacion pa e area liber di Aruba* (balor)

Importacion pa e area liber di Aruba pa e prome kwartaal di 2022, den balor, a subi cu 40.5% di Afl. 381.3 mln. na 2021 pa Afl. 535.8 mln. na 2022. Durante e periodo aki tur bintiun (21) seccionnan, a registra subida den importacion den balor pa e area liber di Aruba.

E subidanan mas grandi ta den e seccionnan “Makinaria y ekiponan electronico (nobo y renoba)” (Afl. 21.8 mln.), “Productonan mineral” (Afl. 18.4 mln.) y “Productonan alimenticio” (Afl. 14.6 mln).

Importacion pa e area di Free Zone di Aruba

Importacion pa e area di Free Zone di Aruba, den peso, a registra un subida di 43.8% den e prome kwartaal di 2022 (2.3 mln. kg) compara cu e mesun periodo den 2021 (1.6 mln. kg), den balor, ela subi cu 81.5% di Afl. 16.4 mln. pa Afl. 29.7 mln.

E importacion (pa e area liber di Aruba) menciona anteriormente ta e resultado di Importacion via Lama y Importacion via Aire, cual tawata tin e siguiente desarayonan:

1. Importacion pa e area liber di Aruba* via Lama

Importacion via di Lama pa e area liber di Aruba, den peso, a registra un subida di 61.2% den e prome kwartaal di 2022 (156.0 mln. kg) compara cu e mesun periodo den 2021 (96.8 mln. kg), den balor, ela subi cu 39.6% di Afl. 312.6 mln. pa Afl. 436.5 mln.

2. Importacion pa e area liber di Aruba* via Aire
Importacion via di aire pa e area liber di Aruba, den peso, a registra un subida di 13.1% den e prome kwartaal di 2022 (0.7 mln. kg) compara cu e mesun periodo den 2021 (0.6 mln. kg), den balor, tin un subida di 44.5% di Afl. 68.7 mln. pa Afl. 99.2 mln.

Importacion pa e area liber di Aruba* pa “Companianan grandi”**

Importacion pa “Companianan grandi”, den peso, a subi cu 12.1%, di 20.1 mln. kg den e prome kwartaal di 2021 pa 22.5 mln. kg den e prome kwartaal di 2022, mientras, den balor, tin un subida di 48.5%, di Afl. 39.7 mln. pa Afl. 59.0 mln.

* Area liber di Aruba: tur bienes cu ta drenta y sali di e teritorio economico di Aruba, excluyendo Free Zone

** E termino companianan grandi ta referi na: Valero, Arugas, Web, Elmar y Setar.

Exportacion total

Exportacion total, den peso, a registra un subida di 47.9% den e prome kwartaal di 2022 (7.2 mln. kg) compara cu e mesun periodo di 2021 (4.9 mln. kg), mientras, den balor, ela subi cu 79.3% di Afl. 21.6 mln. pa Afl. 38.7 mln.

Exportacion for di area liber di Aruba* (peso)

Exportacion for di e area liber di Aruba, den peso, a registra un subida di 34.1% den e prome kwartaal di 2022 (5.2 mln. kg) compara cu e mesun periodo den 2021 (3.9 mln. kg). Nueve (9) di e bintiun (21) seccionnan, a registra subida den exportacion den peso pa e area liber di Aruba. E subidanan mas grandi ta den e seccionnan “Obranan di piedra, gips, cement of asbest” (0.8 mln. kg), “Metalnan comun y trabounan deriva” (0.7 mln. kg), “Ekiponan di transporte” (0.1 mln. kg) y “Productonan alimenticio” (0.1 mln. kg).

E caidanan mas grandi ta den e seccionnan “Makinaria y ekiponan electronico (nobo y renoba)” (-0.1 mln. kg), “Elementonan di plastico artificial” (-0.1 mln. kg) y “Objetonan di arte, piezanan di coleccion y antiguedadnan” (-0.1 mln. kg).

Exportacion for di area liber di Aruba* (balor)

Exportacion for di e area liber di Aruba, den balor, a registra un subida di 14.3% den e prome kwartaal di 2022 (Afl. 13.5 mln.) compara cu e mesun periodo den 2021 (Afl. 11.8 mln. kg). Diesdos (12) di e bintiun (21) seccionnan, a registra subida den exportacion den balor pa e area liber di Aruba. E subidanan mas grandi ta den e seccionnan “Ekiponan di transporte” (Afl. 1.6 mln.), “Instrumentonan, aparatonan y ekiponan optico” (Afl. 1.0 mln.)” y “Metalnan comun y trabounan deriva” (Afl. 0.7 mln.).

E caidanan mas grandi ta den e seccionnan “Diferente tipo di articulonan fabrica” (Afl. -0.9 mln.), “Perlanan real y otro tipo di piedranan precioso” (Afl. -0.7 mln.) y “Productonan kimico” (Afl. -0.4 mln.).

Exportacion for di e area di Free Zone di Aruba

Exportacion for di e area di Free Zone di Aruba, den peso, a registra un subida di 102.2% den e prome kwartaal di 2022 (2.0 mln. kg) compara cu e mesun periodo den 2021 (1.0 mln. kg), den balor, ela subi cu 158.1% di Afl. 9.7 mln. pa Afl. 25.2 mln.